من شعر عبد المهدي الخالدي صدفة

جدول ذو 3 عمود و 10 صف.
بَعَدْ عِشْرِيِنِ سَنَةْ مَاضـِيِكِ مِا ضـَاعْ   

اليُوُمِ شِـفْتَكْ والفِكِرِ كَـانِ نَاسِـيِكْ  

أحْـسِّ قَلْبِيِ رِجَفْ مِنْ بَيِنْ الأضـْلاَعْ   

صُـدْفَةْ لَمَحْتْـكْ وتَذَكَّرْتْ مَاضِـيِكْ  

عَقْلِيِ نِسَـانِيِ والجِسِـمِ صَـارِ فَزَّاعْ   

عَيِنِي طَارَتْ مِنْ دَاخِلْ الرَاَسِ تِنْصِيِكْ  

ولّيَـتْ لْدِيِـرَةْ مَا بَهَا هْمُـوُمِ وأوْجَاعْ   

لَوْ أدْرِيِ إنَّ الُروُحِ حَسَّـتْ بِطَارِيِكْ  

يَا لَيِتْ لَوْ المَاضِـيِ يِنْشَـرَىَ ويِنْبَاعْ   

لَوْ أدْرِيِ إنَّكْ المَاضِيِ تَرَىَ مَا أجِيِكْ  

بَـسْ مَا أظْنّ الرُوُحِ بَالسُـوُقِ تِنْبَاعْ   

كَاَنْ بِعْتْ ذِكْـرَاَكْ وْنِسِـيِتْ طَارِيِـكْ  

وحسيت قلبـك مع صـدى قلبي إلتاع   

حَسِّـيِتْ شَـوْقَكْ يَدْفَعَكْ يَمِّ شَـارِيِكْ  

تِنْسَىَ أصْحَابَكْ وْجِسْمَكْ صُوُبِيِ إنْصَاعْ   

وأشْـوُفْ البَسْمَةْ مِنْ شْفَافَكْ إتْخَلِيِكْ  

يَا خُوُفِ قَلْـبِيِ حُبَّـنَا اليَـوُمِ يِنْـذَاعْ   

حَسِّيِتْ الشُوُقِ مِنْ جُوُفِيِ طَايِرْ عَلَيَكْ  

واللهِ لَـوْلاَ الحَـيَا عَانَقْـتَـكْ بْسَـاعْ   

مُشْـكِلْتِيِ إنِّيِ أحْبَّـكْ وإنِّيِ أغْلِـيِكْ 
نهاية الجدول