مع نسيم الليل واسـمع ونيني
يا هبـوب الريـح وديلي كـلام
عمـري الغالي قلبي وضـنيني
الى حبيب الروح وصّـللي سلام
انحرمـت النوم بطّـل يجـيني
بلّـغ الغـالي أنا ما اقـدر أنام
رمشـه برمشي دايم يصـحّيني
ومن رمـش عينه نسيت المنام
قذلة المحبـوب تلاعب جبـيني
ولو نمت لحظة عشـت بالأحلام
يا همسـة الروح بيـنه وبيني
إن غفـت عيني صحّـاني هيام
مدري هو وهم مـدري يناديني
كل ما نويت أنام جتني الأوهـام
من جمر قلبي وشوقي وحنيني
على جبين الزين اطبع لي وسام
امـانة مـن اللـه لا يخلـيني
يا هبـوب الريـح سـلّم بالتمام
ملّـيت الدنـيا ودمـعي بعيني
بلغّ المحبـوب ينسـاني حـرام
يا خوف قلبي إن كان ناسـيني
وزادت الأشـواق من كثر الغرام
أنا ضـعت يا ناس يا ربّ ويني
يا كـبر همّـي من تالـي الايام
ما عاد أفـرّق يسـاري ويميني
تايه ومحتار عايـش في ظـلام
وصّـل المكتـوب ولا تخلّـيني
يا هبوب الريـح سـافر لا تنام