أمس الضحى شفت حبيبي حوم
في طرف بستان به الزهر حيران
تبسم للزهر والزهر مسموم
والورد غيران بخده الريان
حتى نسيم الهوى غدى مكتوم
ومنه هدير البحر غدا نعسان
والسما تركع لأجله في كل يوم
مثل غيم يمطر مسيل الوديان
انحنت جبال والصهل مردوم
حتى القمر إهتز طبه جنان
والليل انطوى مثل الفحم مبروم
من أجل حبيب الروح الصخر لان
هذا الحبيب أحبه دايم الدوم
أسهر على ذكراه لو هو خان
هذا الحبيب بحبه ما حد يلوم
بالكون مثله ما شفت إنسان
وهذا الحبيب أحبه بالسهر والنوم
أرتوي عطره يوم أكون عطشان
وهذا الحبيب إن فارق كل الهموم
أهوى خياله وانا يمه العشقان
وهذا الحبيب عساه لي مقسوم
عسى قبرنا واحد واللحد جيران
كنز من الذهب وبالوصف معلوم
ما ابدله بالكون وانا له ميزان
إن ضاع العقل هو طيفه يدوم
أحس ذكراه احتلت الوجدان
وانا مقيض في حبه وانا محكوم
هو إحساس لقلبي هو سجان
حبيبي أحبه لو الدنيا تقوم
عايش على حبه هايم وولهان
ما بيني وبين حبيبي خصوم
لا تفتنوني به هو لي فتان