تدرين يا عمري آه لو تدرين
كم بنيت قصور موزنة بميزان
وكم رسم عقلي قصور وبساتين
جنة بفكري ما صورها إنسان
آه لو تدرين كم عندي حنين
كم عندي أشواق وكم عندي أشجان
كم اشتاق قلبي كل ساعة وحين
إنتي على البال الروح والوجدان
آه لو تدرين كم هلت العين
كم سال الدمع كم سيل الوديان
كم أمطرت عيني وغرقا الخدين
احتار فكري فيك وازداد إيمان
آه لو تدرين ليه القمر حزين
ليه النجم إعتم انطفى ما بان
نورك هو السبب والكون والدين
غطى القمر ونام القمر زعلان
آه لو تدرين وين الزهر وين
وين راح ورد الفل والريحان
كله انطوى مات نسمع له ونين
إنتي الأمل والروح إنتي الحنان
وآه لو تدرين كم مرت سنين
كم راح من عمري ومرت أزمان
الساعة صارت سنة واليوم ألفين
ويلي الن نايم ويلي انا سهران
ما ادري أنا ظالم ما ادري أنا مسكين
خايف أعترف بالشوق والأشجان
وخايف إعترف بالحب وتصدين
وإن قلت أحبك أكون انا عشقان
خايف أنا أهواك وإنتي ما تحسين
وخايف أفقد الروح من زلة لسان
قولي يا عمري إنك لي تحبين
أعطيني لحظة أمل من الحنان
وخليني بالحب وأنسى كل تخمين
ترى لساني إن قال الغزل فنان
خلي صدري يرتاح تقطع بسكين
تنفجر أشواقي وتصير بركان
وانا أحبك أهوى عطرك الزين
الكون كله لولاكي ما كان
تعلقت بعينين من تحت الجبين
حتى سواد الليل منهم حيران
وأحب فيك الورد زرعة الخدين
يعطر كل الجسم ويزيده إحسان
وأحب فيكي البسمة يوم تضحكين
والثنايا لامعة بلولو ومرجان
واعشق نظرة بعينك تسحرني بلين
واشتاق إللمسة من خدك الريان
ردي علي يا روحي عسى تردين
قولي لي أحبك أنا معك هويان
قولي أنا أهواك بس لا تخافين
وقولي أنا منيتك وإنت الاوطان
وخلي الورد يرقص على الجنبين
وخلي النسيم يطير كل الاحزان
من حبنا تفرح كل المحبين
ويغني من أجلنا البشر والجان