وش فيك تبكي فديتك يابعد عمري
حرام والله أشوف الدمع بعيونك
تعال أضمك وحط راسك على صدري
ماجات ناسٍ على الدنيا يبكونك
فديت روحك وعمرك واااه لو تدري
انك نظر عيني وقلبي مابي يضرونك
امسح دموعك مدام أن اللقاء بدري
واضحك حبيبي ترى واجد يحبونك
ودي أشوفك هذاك اللى على خبري
تضحك وطير الفرح يغرد بكونك
الحزن قبلك ترى في دمي وحبري
ومن البشر غير الحبايب لايهمونك
الليل توه وأخاف من الوله يسري
وانا من اول ابي فرقاه من دونك
خلك مابين الشعور الطاغي وشعري
وانسى جروحك ودمع العين وطعونك
أبيك تسكن بروحي وقلبي وفكري
اباخذك عن جروح الناس واصونك
الناس لوعاشت بطيبتك ياعمري
ماكان واحد تجرىء يبكي عيونك
3/3/2012, 7:26 am
