من شعر عبدالمهدى الخالدى

آه يا الخايـن خنتني اليوم واقغيت يا خـاين العهـد مـا بينـك وبيني
غزّيت رمحك داخل الحـشا وادميت قسى رمحك في قلبي واشعل ونيني
لفّيت لك قلبي بالإخـلاص واهديت واعطـيتك روحي من الوفا بيديني
من صـادق الأشواق والودّ اعطيت انا اعـطي الوفـا وانـت تـرميني
ما تدري إنّك أخلص الخلق هاويت وازداد حبّك ما نقـص مـن حنيني
وعدتك من صافي الاخلاص واوفيت كلّ ما نقص شـوقك قلت اعطـيني
زرعتك في داخلي بالشوق واسقيت ومن صـادق الاحساس كنت تغليني
ياما أرقـب زويلك إن رحت اوجيت وأتحلّـى شأوفتك يومـن تجـيني
جبت لي من كاس الخيانـة وملّيت ومـن أغدر غدر يالغدار تـرويني
يومن صـابني غدر الأحباب لجّيت جضّ قلبي بالحـشا مع شـراييني
شبّت نيران الهوى وبايديك اطفيت مـات الغـرام ولهفـتي تسـليني
يا تعب عيني من حرّ الدمـع هلّيت مـا تخـاف الله يوم ادمعـت عيني
يا ريتني ما عـرفت الغدر يا ريت جـاني اليوم اللي يذبحني ضـنيني
ألينك يالخـاين من الغـدر كفّـيت خدعتني يا خاين عـذب السـنيني
بيدك اسـقيتني سمّ الغدر وارويت ماتت أشـواقي لو الكـون يحييني
في داخل الحشـا من الهمّ حطّـيت بومن خـان المـداوي من يداويني
فوق الجرح جبت من السمّ صـبّيت ومـن جمـر الغدر يالغدّار تكويني
وجروح مـع نيران بالقلـب عبّيت وهذي نيران الغضـا تشـتعل فيني
يشـهد عليّ خالق الحـرم والبيت اللّـه اللـي نـزّل القـرآن ديـني
لأسـقيك نفس الكاس مثل مسقيت وأحـرق جبينك مثل حـرقة جبيني

منـــــور يا بو فادي وعلى فكرة مبروك الوظيفــــــه للأموره.

شكراً يا عبدالله