من قصائد بنو خالد

قال ابن سالم بدأ في راس مابانـي
رجم ً طويل ً يحود اللاش من دونه

ساعة بديته وشب القلـب نيرانـي
والعين هلت غزير الدمع محزونـه

واليا وطيت المنـازل دار جدانـي
دار العريعر بها الشيبـان مدفونـه

حلت طليله وشرقي عيـن بستانـي
هي كلها ملكنـا واهلـي يذكرونـه

وأمهيض الجاش مني بعد عربانـي
صبرت غصب ً وكن النفس مرهونه

ياطارشي وارتحل من فوق سيداني
وارد جديد ً علـى شفـي يجبونـه

سواقه اللي بسيره مايجـي وانـي
مايغدي الوصف لاجود دركسونـه

يمشي من بلادنـا لابـان فجرانـي
منصاك ربعً(ن) لمكتوبي يفلونه

سلم عليهم عـدد ماهلـت امزانـي
واعداد ماحج بيـت الله يزورونـه

الاد خالد واسمهـم للعـرب بانـي
هذا جوابي وكـل النـاس يدرونـه

يفرح بهم من نصاهم بالوطن عانـي
والبـاب دائـم مبطـل مايصكونـه

ذباحـة الحيـل للظيفـان كرمانـي
سلـم ً لهـم مـن قديـم مايخلونـه

الاد خالـد ابـن قيـس وعدنانـي
مكتوب فـي كـل تاريـخً يفلونـه

حريبهـم ماينـام الليـل سهرانـي
من ذلته في كرى نومـه يهجدونـه

من قصر شامً يحده حلـة اعمانـي
ديرة بني خالـد والمـدح يشـرون

من لابة ً تجعـل الارواح نيشانـي
والعمر في حـل ماجوبـه يبعونـه

والختم صلو عدد ماهلـت امزانـي
واعداد ماحج بيـت الله يزورونـه


قصيدة منقولة للكاتب ابن حميد من منتديات القبائل العربية


--------

اهدي لكم نادره من قصائد الشاعر مسلط بن عصمان ويمتدح فيها شيوخ قبيله العماير ومناسبتها الانتصار في حرب مريخ الشهيره وهي مدح ل

الأمير شبيب العقل
و
الأمير فارس الحسن
و
الأميرحربي العقل

رحمهم الله جميعا



انساح بالي يـوم ردلـي خبـر
من ربعي اللي بالوهيله حاضرين
ماذكرو بالهيه نهـار المحتضـر
كود العماير هم هل الجمع الرزين
سلام يازيزوم يالوجـه الخضـر
شبيب يالممدوح يالوجه اليميـن
هو شيخنا لا جا من الحاكم غير
ريف الركايب لا قبلت بالغانمين
حربي كما حر ليـا منـه شهـر
طير السعد قناصته متنومسيـن
وفارس الممدوح من زود الفخر
ماضي الفعايل شيخنا ذكره يبين
زيزوم ربعه شايلهم زود الظفـر
وردو حياض الموت قرم العايلين
يوم الجنوبي جاك شايله الوجـر
جمع جنـوده بحتمـال حايليـن
ضيدان يبغى الطايلـه ولا قـدر
هذي تدابيـر الولـي ياذاهنيـن
يانحمد الله والجنوبي مانتصـر
عقب المعزه راح ضيدان حزيـن
قم يانديبي فوق نابيـه الظهـر
وجن الهميم ومنـوه للمنتويـن
ملفاك ابو تركي ورد لـه خبـر
قله كسرنا عز شيـخ الحاربيـن
دمّامهم خذناه وبيرقـه الخضـر
في ساعه به لابتي متنومسيـن


وسلامتكم

وصح لسان ابن عصمان وهي قصيده من الموروث الذي يجب الحفاظ عليه في هذا المنتدى العزيز على قلوب بني خالد جميعا

اخوكم
فالك طيب
العماير هم الدم الذي يجري في عروقي



-------

هذي قصيده مدح في بني خالد ((ونعم))
بســـــــم الله الرحمـــن الرحيــــــم



المبتدأ ذكـر الله أفضـل كلامـي
وصلاة ربي عالنبي وكـل حيّـه
وشلونكم ياعيال عمي الكرامـي
ياعزوتي يأهل الكـرم والحميّـه
قصيدتي" فيها الخوالد مرامـي
اللي لهم بالمجد روحـه وجيـه
فعولهم عز مـع الوقـت دامـي
سمعة شرف تبقى للأجيال حيـه
ودخيلهم بأمر الولي مايضامـي
من دونه الارواح تهـدى هديـه
وفي قسمهم مادون راس السنامي
يعطون ومايرجـون رد العطيـه
قل خالدي ويقال عاشت الاسامي
شيوخ عز وطيب ماهـي خفيـه
قل خالدي وأبشر بعز المقامـي
كرامـه وتقديـر وأحلى تحيه
أنت بس قلها ووالله أنك الأمامي
شهـادة للعـز ضمـن الهويـه
سعد الولد لاجاء خواله عمامـي
خوالد منـا ومـنـا هنـيّـه


----



بنـي خالـد لا عدينـا القبايـل
هل الوقفات في ايـام صعيبـه

حمو بيض الحبـارى وعتوقهـا
وقام السيل يدرج مـع شعيبـه

وحق الجـار منهـم مايضيـع
يحمي جار الجوير اقرب قريبـه

ولا صار الضيف يحشم والدخيل
نقـول المدعـي وش يدعيبـه

بني خالـد لاجاحـك المناكـب
شياطين العرب تسجـد مريبـه

سمعت من الرجاجيـل القدامـى
هل التمييز فـي الدنياالصعيبـه

يقولـون الخوالـد مـن زبنهـم
نسى ربعـه ودارا قـد ربيبـه

تلقـاء رجالهـم فيهـم المـروه
لـو مـا يلقاءعمـود يبتنيبـه

ثقيل أقـدام فـي أيـام الزحـام
وكريم أنجـاه سـوق النجيبـه


-----

قصيدة الشاعر/ بدر الخالدي في مدح بني خالد

ربعي بني خالد هل الأفعال في وقـتٍ مضـا
يوم السيوف الحدب تروى من عناق المعتدي
يوم الملاقى والشجيع اللي من فعوله رضـا
ربعي رضـو بافعالهـم ياغايتـي يامسعَـدي
تاريخنا يشهد وعمر الوقـت تـوه مانقضـا
افعالنـا فـي قلـب تريـخٍ يغيـب ويبتـدي
وحاضر زمنا حايزين اللي صعب لاهل النضا
يفخر برفقتنا قريـب العـرق ولا المبعـدي
تفاخروا يعيال عمي والفضـا لاهـل الفضـا
مدام ماضيكم وحاضركم مثـل نـو الجـدي
نبغا برادك ياهبـوب النـود بـردٍ مرتضـا
وان جزعة الناس البعيدة يالهبايب..!فاركـدي
عدواننا وقلوبهم تصلى علـى جمـر الغضـا
ياحي تاريخٍ يغيض قلـوب مـن لا يسعـدي



بدر عبدالله الصبيحي الخالدي

----

قل هيه يلـي لـك مـع النـاس وداد=ما ترحمون الحال يـا عزوتـي ليـه

ما ترحمون اللي غـدا دمعـه بـداد=طول الزمان وجـرح الدمـع خديـه

تالـي زمانـي مـا تهنيـت برقـاد=وقصر المعزه صـار تهـدم مبانيـه

من شوفتي للغـرو مزبـور الانهـاد=مجليـاً عـن دار جــده واهالـيـه

اقفى يجـر الثـوب للضلـع شـراد=ومتمشلح ياطا علـى اقـدام رجليـه

الشوك مـا لـه عـن مواطيـه رداد=ايضـا ولا سبـت قـويـاً يوقـيـه

يا من يسـوي لـه زرابيـل جـداد=من المي لو ياطا على القطن يحفيـه

بمشمرخات الهيف بالزحـف صعـاد=وكم يعرب من خوف الاورام راقيـه

اخـذ ثمـان مـن ثمـان لـه اذواد=ولا لافي مـن عزوتـه مـن يلفيـه

جينـا قليـب صايـر بيـن الانفـاد=والخمس من نصف الثمانيـن يدليـه

وبن رخيـص نـازل حـد الاجـراد=قال اقبلوا وانتم هل الـدار يـا هيـه

جبه سقاهـا الله مـن الوسـم رعـاد=ما طالعت خشـم ام سنمـان يسقيـه

حيـث انهـا للمنهـزم دار ميـعـاد=من لاذ به كـن الحـرم لايـذ فيـه

الحيضري ما يستـوي غيـر ببـلاد=والبيدوي ما يستـوي لـه تحضريـه

وحنا على شهب الغوارب منه غـاد=وكم عيل يبكي مـن القيـض حاديـه

جيـنـا لـنـاس للطـويـلات رواد=بالجوف سادوا وهزموا من طمع فيه

نبغى نقارب من هل الجـوف خـلاد=وندعي عسى ان الوبل يسقي مفاليـه

لذنا بهـم هـل الكرامـه والامجـاد=قالوا هلا من خـاف وجانـا نحميـه

نحميه من جـور الرفاقـه والابعـاد=وحنـا بعيـال الخـوالـد نسـويـه

ذولا الخوالـد نعـم بذالـت الـزاد=ونعم النكيف اللي لفا السيـر طاويـه

يا حي والله يالضويحي مـن اجـواد=اهل المديح اللى نصا المـدح اهاليـه

الطيـب كلـه فـي لحيـد ولـحـاد=الكل مثل السيـف يضـرب بحديـه

سرنا على حمـر طويـلات الابعـاد=يـم الشمـال ونيـة الهـور نبغيـه

ومن خلفنا غويـش غريريـن قعـاد=مـا منهـم اللـي عنـده راي يقديـه

في ذمـة الله ثـم عريبيـن الاجـداد=باب الخشب *والضلع *حروة مراميه

للشـط ياللـي يمـه الغـرب منفـاد=كن الشفلـح فـوق موجـات قاريـه


----
حنا بني خالد كسابة الطيب -- تشهد لنا العدوان قبل القرابه حنا هل الميقاف وقت المواجيب -- تاريخنا من عصر دور الصحابه حنا هل التقدير بين الاجانيب --عند العرب نحضى بقدر ومهابه حنا ليا هلت دموع الرعابيب -- نقدم على الموت الحمر ما نهابه حنا ليا صارت حقوق ومطاليب -- نأخذ ولا نؤخذ نهار الطلابه حنا ليا عكر لصافي المشاريب -- نطفى ضماالعطشان مثل السحابه حنا ليا هبت سموم اللواهيب -- ربيعنا يا بخت منهو حضابه حنا ليا من كشر أنيابه الذيب -- ما نحسب حساب لقنيب الذيابه حنا حماة الخيل والفطر الشيب -- يوم الليال الماضيه ينغزابه حناالدواء لجروح عطب المضاريب -- لا طاح بالميدان ينزف صوابه حنا مقر الرأي عكف الاشانيب -- صغيرنا فالرأي يحسب حسابه حنا ليا صاح المنادي له انجيب -- يفرح ليا سمع المنادي جوابه حنا منازلنا بعال المراقيب -- أمن الحساء لحدود تدمر وطابه حنا لضيف الجار عز ومعازيب -- انجود بالماجود حزت غيابه حنا سيوف الحق بين الاصاحيب -- تزداد فينا بالشدايد صلابه حنا وهبنا عالم السر والغيب -- شجاعةٍ ما هي مع كل لابه والنعم فى كل القبائل عن العيب -- افعالهم بالمجد حافل كتابه اقولها من دون شكه ولا ريب --شاعر وامجد لابتي بالنيابه


---

كل الخوالد ساس طيب على طيب قـبــيــلــتــن فـــــــــي نــــجـــــد واكـــــبـــــر قــبــيـــلـــه وشيوخـهـم تـعــرف بـوقــت المـواجـيـب لا جــــــاء نـــهــــار فـــيــــه شـــــــب الـفـتـيــلــه هـــــــم الــعــريــعــر دون شــــــــك ولاريــــــــب شـيــوخٍ لــهــا الـتـاريــخ ســجــل حـصـيـلـه تـركــي عـلــى كـبــد الـمـعـادي لـواهـيــب مـــحــــمــــة لــلـــبـــيـــض مـــــحــــــدن يــشـــيـــلـــه


---

والله ماني على مدح الرياجيل بخيل خاصه لا جيت امدح في زحول الرجال المشكله مدحهم حمل لا شلته ثقيل من ثقلها ما يقدر عليها كبار الجمال حتى لو تحاملت على حملها لابد يميل مال الجمل حيله على حمل الاثقال اجل وش حيله قلم بالقصايد يخيل في معانيها صدق من مزون الخيال قصيدة ماهي غزل فالطرف الكحيل ولا هي عتاب وشكوة حال دون حال قصيدة مدح في ذاك الشهم الاصيل ابو يزيد اللي يشهد له فوح الدلال سلام يا ابو يزيد يازحول الرياجيل سلام عد ما على الصحاري من رمال سلام عد ماهل المطر وسال المسيل سلام عد ما اشرقت الشمس وطل الهلال سلام ياللي له في قلبي مقر ومقيل فداك العمر لو ان العمر للفنا والزوال قالوا عن حاتم ماله في الكرم مثيل ومن ذيك العصور تضرب به الامثال وانا اقول ابو يزيد حاتم هالجيل قولوا لهتان الكرم عندنا للكرم زلال فديت كل حرف من اسمه به خصل نبيل وياحي الحروف اللي لها فالقلب منزال الصاد (صدقك) فالكلام من دون تأويل وياحي الرجال اللي تثبت اقوالها بافعال الالف (اهاتك)عطنياها لو توريني الويل ماهمني غير شوفه بسمتك ياطيب الفال اللام (لومك) فالحياه على كل شخص ذليل عاش في هالدنيا وتطبع بطبع الانذال الحاء (حبك) للمساكين وعابريين السبيل وشموخك في هالدنيا كنه شموخ الجبال شوف حالي مال السعادة بحياتي دليل وفي غيبتك مال الصبر عندي اي مجال النهار اسود ما عاد به فرق مع الليل اسهر عيوني ودمعها على الخد همال واتجه للقبله واطلب من الله الجليل يالله يالله الكرسي يكون من فال ابو يزيد