من شعر الشيخ محمد بن راشد_ياهاجسي

ياهاجسي بالشعربالله مهلا
على الخفوق ونازفات الفتوق
خلني على حسب المزجات تملى
واختار من دانات عمق العموق
أجيدهن من فكرتي وتسلى
واحبس همس إحساسهن في عروقي
إن عنت الأفكار والفكر على
في نو قاف اللي تقافي بشوقي
يطيب لي في منتهى الكيف والا
أبقى على ناري وشمسي وذوقي
يامن دهاني بالصدود وتولى
ياليت لو تدري بوجدي وشوقي
حسنك ملكني بالهوى واستحل
ياليت تطلق يامودي سبوقي
حرقت قلب من صدودك تقلى
مضى اللهيب وتم رسم الحروق
تتجدد أشواقي إذا الشوق يبلى
مثل الشجر جدد غصون وعروقي
وأنا على صبري لها ماأمل
مااكثر ظلايمها ومااضيع حقوقي
ماكل ما يغليك عندك بيغلى
وماكل من يدعي صديق صدوق
هيض شجوني ناظم في السجل
صوته يلحن كايدات الطروق
مثله أنا أهوى التحدي ويحلا
عندي واطرب للشدايد وتوقي
معاني للفاهمين اتجلى
تاتي عظيمه مثل ذوقه وذوقي

مسا الخير على فكرة اول ما قرأت القصيدة أول شي ما فهمتها حسيت كلماتها صعبة بعدين لما رجعت قرأتها حسيتها فعلا تحمل معاني رائعة شكرا كتير يا ريت يكون في دايما عند الناس هذه المشاعر الجميلة